మన చేతుల్తో చాల పనులు చేస్తూ ఉంటాం. కానీ చేతుల పై క్రిములు మరియు బాక్టీరియా చేరుతుంటాయి. చేతులో కొన్ని సున్నితమైన భాగాల్ని తాకినప్పుడు వాటికి ఇన్ఫెక్షన్ వచ్చే ప్రమాదం ఉంది.

మన చేతుల్తో చాల పనులు చేస్తూ ఉంటాం. కానీ చేతుల పై క్రిములు మరియు బాక్టీరియా చేరుతుంటాయి. చేతులో కొన్ని సున్నితమైన భాగాల్ని తాకినప్పుడు వాటికి ఇన్ఫెక్షన్ వచ్చే ప్రమాదం ఉంది. 

helth tips caress

మానవ శరీరం ఎంతో ప్రత్యేకమైంది. శరీరంలో ప్రతి భాగం తన పనిని నిర్వరిస్తుంది. అయితే, శరీరంలోని చాలా భాగాల్ని మనం చేతులతో తాకుతుంటాం. అది ఏ భాగమైనా సరే మనకు తెలియకుండానే చేతులతో టచ్ చేస్తుంటాం. అది అలవాటు లేదా పొరపాటు వల్ల కావచ్చు. అయితే, శరీరంలో కొన్ని భాగాలను చేతులతో పదే పదే తాకకూడదు. నిజానికి మన చేతులతో చాలా పనులు చేస్తుంటాం. తెలిసో లేదా తెలియక చాలా వస్తువుల్ని పట్టుకుంటాం. దీంతో చేతులపై క్రిములు, బ్యాక్టీరియా చేరుతుంటాయి. ఈ చేతులతో కొన్ని సున్నితమైన భాగాల్ని తాకినప్పుడు వాటికి ఇన్ఫెక్షన్ వచ్చే ప్రమాదం పెరుగుతుంది. చేతులతో శరీరంలోని ఏ భాగాల్ని తాకకూడదో ఇక్కడ తెలుసుకుందాం.

ముఖం:

శరీరంలో ముఖం చాలా సున్నితంగా ఉంటుంది. మొటిమలు, పిగ్మెంటేషన్, దురద లేదా దదర్లు సమస్యలు రావడానికి కారణం పదే పదే మీరు చేతులతో ముఖంపై తాకుతున్నారని అర్తం. ఇది ఒక కారణం కావచ్చు. నిజానికి చేతులపై చాలా క్రిములు, ధూళి, బ్యాక్టీరియా ఉంటాయి. వీటి కారణంగా ముఖంపై అనేక రకాల చర్మ సమస్యలు వస్తాయి. చేతుల్లో ఉండే సహజ నూనె ముఖం యొక్క రంధ్రాల్ని మూసివేసే ప్రమాదం ఉంది. అందుకే చర్మాన్ని ఆరోగ్యంగా, ప్రకాశవంతంగా ఉంచుకోవాలనుకుంటే చేతులతో పదే పదే తాకడం మానుకోండి.

చెవులు:

చాలా మంది చెవుల్లో వేళ్లు పెట్టుకోవడం, చేతులతో చెవుల్ని టచ్ చేయడం చేస్తూ ఉంటారు. అయితే, ఈ చిన్న అలవాటు చాలా హానికరం. చెవుల లోపలి భాగాలు చాలా సున్నితంగా ఉంటాయి. ఇలా చేతుల వేళ్లు పెట్టడం వల్ల ఏదైనా హాని జరిగే ప్రమాదం ఉంది. చేతులపై బ్యాక్టీరియా, దుమ్ము, ధూళి ఉంటుంది. ఇది ఇన్ఫెక్షన్ ప్రమాదాన్ని పెంచుతుంది. ఈ ఇన్ఫెక్షన్ కొన్ని సార్లు గొంతు వరకు వ్యాపించి మరింత ప్రమాదాన్ని కలిగించవచ్చు. అందుకే చేతులతో పదే పదే చెవుల్ని టచ్ చేయకండి.

పెదవులు, నోటి లోపల భాగం

చాలా మందికి తెలియకుండానే చేతులు పెదవులు, నోటి లోపల భాగాలకు వెళుతుంటాయి. తినేటప్పుడు సాధారణంగా మనం చేతుల్ని శుభ్రపర్చుకుంటాం. కానీ, మిగతా సమయాల్లో అంతగా క్లీన్ చేసుకోం. కానీ, నోటిలోకి వేళ్లు పెట్టుకుంటారు. చాలా మంది తిన్న తర్వాత నోటిలో ఇరుక్కున్న ఆహారాన్ని తొలగించడానికి చేతి వేళ్లను ఉపయోగిస్తారు. అయితే, ఈ అలవాటు ఎంత మాత్రం మంచిది కాదు. ఇలా నోటిలో వేళ్లు పెట్టుకోవడం వల్ల బ్యాక్టీరియా, క్రిములు కడుపులోకి చేరే ప్రమాదం పెరుగుతుంది. ఇది ఆరోగ్యానికి చాలా హానికరం. ఫుడ్ పాయిజన్, జీర్ణ సమస్యలు వచ్చే అవకాశం ఉంది.

కళ్లు:

​కళ్ళు మన శరీరంలో చాలా సున్నితమైన భాగం. అందుకే వాటి పట్ల ప్రత్యేక శ్రద్ధ తీసుకోవడం చాలా ముఖ్యం. చాలా మంది వ్యక్తులు తమ చేతులతో పదే పదే కళ్ళను తాకుతుంటారు. అంతేకాకుండా దురద వల్ల కళ్లను రుద్దుతుంటారు. ఇది మంచి పద్ధతి కాదంటున్నారు నిపుణులు. ఎందుకంటే ఇలా చేయడం వల్ల కళ్లలోకి ఇన్ఫెక్షన్ వ్యాప్తి చెందే ప్రమాదం పెరుగుతుంది. నిజానికి చాలా కంటి ఇన్ఫెక్షన్లు ఇలా పదే పదే చేతులతో తాకడం వల్ల వస్తాయి.

ముక్కు:

ముక్కులో వేలు పెట్టడం చెడుగా కనిపించడమే కాకుండా ఆరోగ్యానికి కూడా హానికరం. ముక్కును పదే పదే టచ్ చేసే వ్యక్తులు ఎక్కువగా అనారోగ్యంతో ఉంటారని చాలా అధ్యయనాలు చెబుతున్నాయి. చేతి వేళ్లతో ముక్కును శుభ్రపర్చుకోవడం మానుకోండి. ముక్కును శుభ్రం చేసుకోవలసి వస్తే శుభ్రమైన గుడ్డ లేదా రుమాలు సాయం తీసుకోండి. ఇలా ముక్కులో వేళ్లు పెట్టుకోవడం వల్ల స్టెఫిలోకాకస్ అరియస్ అనే బ్యాక్టీరియా వ్యాప్తి చెందే అవకాశం ఉంది.

మలద్వారం:

చేతులతో మలద్వారాన్ని కూడా టచ్ చేయకూడదంటున్నారు నిపుణులు. దురద పుట్టడం వల్ల లేదా చెమట పట్టడం వల్ల చాలా మంది మలద్వారాన్ని టచ్ చేస్తుంటారు. ఇది చాలా సున్నితమైన ప్రాంతం. చేతులతో మలద్వారాన్ని టచ్ చేయడం ద్వారా చేతులపై బ్యాక్టీరియా వ్యాపించే ప్రమాదం ఉంది. ఆ తర్వాత అనేక రకాల వ్యాధులు వచ్చే అవకాశం ఉంది. అందుకే మలద్వారాన్ని చేతులతో తాకడం మానుకోండి.

గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు.

Turmeric Cumin Seeds : పసుపు, జీలకర్ర కలిపిన నీటిని ప్రతి రోజు క్రమం తప్పకుండ తాగితే…ఈ వ్యాధులన్నీ పరార్…?

 Turmeric Cumin Seeds :  

ప్రపంచంలో ప్రతి ఒక్కరికి కూడా ధనం ఎంత ముఖ్యమో ఆరోగ్యం (Health) కూడా అంతకంటే ఎక్కువ ముఖ్యమైనది. ఆరోగ్యమే మహాభాగ్యం. ఆరోగ్యంగా ఉంటేనే ఏ పనైనా work  చేయగలం ఏదైనా సాధించగలం. కాబట్టి మన ఆరోగ్యం మన చేతుల్లోనే ఉంది. శరీరంలో ఏం జరుగుతున్నాయో మనం ముందుగా తెలుసుకోవడం కష్టం. అది ఒక్క లక్షణాలు బట్టి ఆ తరువాత మనం చికిత్సకు వెళ్తాం. ఆరోగ్యకరమైన అలవాట్లు ఆరోగ్యకరమైన ఆహారాలు తీసుకుంటే ఆరోగ్యాన్ని కాపాడుకోవచ్చు. కానీ అలవాట్ల విషయంలో చాలా జాగ్రత్త పాటించాలి. ఇప్పుడు ప్రస్తుతం ప్రతి ఒక్కరికి కూడా ఏదో ఒక అనారోగ్య సమస్య నిత్యం వేధిస్తూనే ఉంటుంది. ఎటువంటి అనారోగ్య సమస్యలను నయం చేయాలంటే ఇంట్లోనే ఈజీగా చేసుకొనే  కొన్ని చిట్కాలను ఇప్పుడు  మనం తెలుసుకుందాం. ఈ చిట్కా  నిత్యం ఆరోగ్యంగా ఉండడానికి సహాయపడుతుంది. మీరు ఎల్లప్పుడూ ఆరోగ్యంగా ఉండాలి అంటే పచ్చి Turmeric పసుపు, జీలకర్ర Cumin Seeds  Water నీటిని తీసుకుంటే ఆరోగ్యానికి ఎంతో మంచిది. ఏ రోజైతే  అలవాటుగా చేసుకుంటే వ్యాధులన్నీ  మటుమాయం చేసుకోవచ్చు. ఈ పచ్చి పసుపు మరియు జీలకర్ర నీటిని రోజు వారి ఆహారంలో తీసుకుంటే ఎటువంటి ఆరోగ్య ప్రయోజనాలు Health Benefits  కలుగుతాయో  మనం తెలుసుకుందా…

Turmeric Cumin Seeds జిలక్రర

జిలకర జీర్ణ క్రియ మరియు పోషకాల ను  మెరుగుపరిచడాం  ఉత్పత్తిని ప్రేరేపించడంలో సహాయపడుతుంది. దీనివల్ల కడుపు ఉబ్బరం మరియు సమస్యలు తగ్గుతాయి. పసుపులో యాంటీ ఇన్సోల్  మ్యాటరి, యాంటీ ఆక్సిడెంట్ లక్షణాలు ఉంటాయి. పచ్చి పసుపు, జీలకర్ర  కలిపిన నీరు తాగడం వల్ల  జీర్ణ క్రియ మెరుగు పడుతుంది. జిలకర పసుపు రోగనిరోధక శక్తి ని పెంచే లక్షణాలు కలిగి ఉంటుంది. జీలకర్ర లో  ఇనుము ఉంటుంది ఇది శరీరంలో రోగనిరోధక శక్తిని బలపరుస్తుంది. పసుపులో కర్క్యుమిన్ ఉంటుంది. కావున ఇన్ఫెక్షన్లను కూడా నివారిస్తుంది. ఇందులో యాంటీ ఆక్సిడెంట్లు రక్షణ విధానాలుగా పనిచేస్తాయి. కర్క్యుమెంన్ వాపు, స్వీకరణ ఒత్తిడిని తగ్గించడంలో సహాయపడుతుంది. పసుపు మరియు జీలకర్ర   రెండు సహజ నిర్వేశికరణ కారకాలు. జీలకర్ర కాలయా పిత్తాన్ని ఉత్పత్తి చేయడానికి ఉపయోగపడుతుంది. ఇది జీర్ణ క్రియ కు అవసరం. తీరంలో మలినాలను తొలగించి వేస్తుంది. ఎక్కడ మరియు పసుపు నీటిని రోజు తీసుకుంటే శరీరంలో విష వ్యర్ధాలు బయటికి పోతాయి. జీర్ణ వ్యవస్థ కాలయం ఆరోగ్యంగా ఉండుటకు జీలకర్ర పసుపు నీరు చాలా అవసరం.

జీలకర్ర పసుపు జీర్ణ క్రియలను మెరుగుపరచడమే కాదు బరువు నిర్వహణకు సహాయపడుతుంది. జీవక్రియను కూడా పెంచుతుంది. క్యాలరీలను వేగంగా బర్న్ చేయడానికి పసుపు రక్తంలో చక్కర స్థాయిని నియంత్రించుటకు కొవ్వు పేరుకుపోకుండా ఉండుటకు కూడా ఔషధంగా పనిచేస్తుంది. రెండు మిశ్రమాలను కలిపి తాగడం వల్ల జీవ క్రియకు ఎంతో మేలు చేస్తుంది. నియంత్రించుటలో కూడా సహాయపడుతుంది. జిలకర మరియు పసుపు నీటిని రోజు తాగడం వల్ల శ్వాస కోశమార్గం శుభ్రపడుతుంది. ఆశ కోశ వ్యవస్థలో వాపు తగ్గుతుంది. శరీరం ఆస్తమా, బ్రో నైకిటిస్, అలా అనుగుణంగా అలర్జీలు వంటి వాటితో పోరాడుతుంది. కఫం మరియు దగ్గు అంటి సమస్యలను తగ్గించుటకు సహజ కాఫ హారకమైనదిగా కూడా పనిచేస్తుంది.

Turmeric Cumin Seeds జీలకర్ర, పసుపు

జీలకర్ర, పసుపు బలమైన శోధక నిరోధక లక్షణాన్ని కలిగి ఉంటాయి. రోజు పచ్చి పసుపు, జీలకర్ర నీరు తీసుకోవడం కీళ్ల ఆరోగ్యానికి చాలా మంచిది. ఇది ఆర్థరైటిస్, ఇతర వ్యాధులలో కనిపించే కీళ్లనొప్పి మరియు వాపు వంటి సహజంగా కండరాలను సడలించి నొప్పిని తగ్గిస్తుంది లక్షణాలను తగ్గిస్తుంది.

Munagaaku:మునగాకులను పొడి రూపంలో తీసుకోవడం వల్ల మన శరీరంలో జరిగే మార్పులు, ఆరోగ్య ప్రయోజనాలు ఏంటో తెలుసుకుందామా...helth tips Articleshow

Moringa Powder:ఈ చిట్టి చిట్టి ఆకుల పొడి చిటికెడు తిన్నా చాలు..!

మునగాకులను పొడి రూపంలో తీసుకోవడం వల్ల మన శరీరంలో జరిగే మార్పులు, ఆరోగ్య ప్రయోజనాలు ఏంటో తెలుసుకుందామా...

ప్రస్తుత కాలంలో ఆరోగ్యం జాగ్రత్తగా చూసుకోవాల్సిన బాధ్యత అందరిపైనా ఉంటుంది.

ఆ ఆరోగ్యం సరిగా ఉండాలంటే సరైన ఆహారం తీసుకోవడం కూడా చాలా ముఖ్యం. అలా మన డైట్ లో కచ్చితంగా చేర్చుకోవాల్సిన ఆహారం ఒకటి ఉంది. అదే మునగాకు. చూడటానికి చిట్టి చిట్టిగా ఉండే ఈ ఆకులు మన ఆరోగ్యంపై మ్యాజిక్ చేస్తాయి. ఈ మునగాకులను పొడి రూపంలో తీసుకోవడం వల్ల మన శరీరంలో జరిగే మార్పులు, ఆరోగ్య ప్రయోజనాలు ఏంటో తెలుసుకుందామా...

 

మునగాకులను సూపర్ ఫుడ్ అని చెప్పొచ్చు. రెగ్యులర్ గా కొద్దిగా మునగాకు పొడిని ఏదో ఒక రూపంలో తీసుకోవడం వల్ల చాలా ప్రయోజనాలు కలుగుతాయి. రోగనిరోధక శక్తి పెరుగుతుంది. శరీరంలో రక్తం శుద్ధి చేస్తుంది. చర్మం, జుట్టూ రెండూ ఆరోగ్యంగా ఉంచడంలో సహాయపడతాయి. మెదడు పనితీరును మెరుగుపరుతస్తుంది. క్యాన్సర్ వంటి జబ్బులు దరి చేరకుండా కూడా సహాయపడుతుంది.

 

మునగాకులో పోషకాలు..

మునగాకులో అనేక రకాల విటమిన్లు, ఖనిజాలు పుష్కలంగా ఉంటాయి.

2 గ్రాముల ప్రోటీన్

విటమిన్ B6 : 19%

విటమిన్ C 12 శాతం

ఐరన్ 11%

రిబోఫ్లావిన్ (B2) : 11%

బీటా-కెరోటిన్ విటమిన్ A:9%

మెగ్నీషియం: 8 శాతం

 

రెగ్యులర్ గా మునగాకులను ఆహారంలో భాగం చేసుకోవడం వల్ల రక్త పోటు సమస్య ఉండదు. అంతేకాదు.. రెగ్యులర్ గా తీసుకోవడం వల్ల... ఈ మునగాకులో విటమిన్ సి మన శరీరానికి అందుతుంది. ఫలితంగా.. జుట్టు ఒత్తుగా పెరగడానికి సహాయపడుతుంది. చర్మం మృదువుగా, అందంగా కనపడేలా చేస్తుంది.

రోగనిరోధక శక్తిని పెంచుతుంది

మునగాకులోని బలమైన యాంటీఆక్సిడెంట్ కంటెంట్ రోగనిరోధక శక్తిని పెంచుతుంది, అనారోగ్యాలు , ఇన్ఫెక్షన్లతో పోరాడడంలో శరీరానికి సహాయపడుతుంది. క్వెర్సెటిన్ , క్లోరోజెనిక్ ఆమ్లం వంటి ముఖ్యమైన పదార్థాలు ఫ్రీ రాడికల్స్‌ను తొలగించడం ద్వారా ఆక్సీకరణ ఒత్తిడిని తగ్గిస్తాయి.

 

మెదడును పదునుపెడుతుంది

మీరు మతిమరుపుకు గురైతే మునగాకు తినండి. మునగాకులో కనిపించే సమ్మేళనాలు అభిజ్ఞా , జ్ఞాపకశక్తి పనితీరును మెరుగుపరుస్తాయి. దీని అధిక ప్రోటీన్, ఐరన్ కంటెంట్ మెదడు ఆక్సిజన్‌ను స్వీకరించడానికి సహాయపడుతుంది, ఇది ఏకాగ్రత, మానసిక స్పష్టతను ప్రోత్సహిస్తుంది. మునగాకులో కనిపించే కొన్ని లక్షణాలు క్యాన్సర్‌ను నివారించడంలో సహాయపడతాయి. బరువు తగ్గడానికి కూడా సహాయపడుతుంది.

Eye helth care tips life style article show

కళ్ల ఆరోగ్యానికి...

ముఖానికి అందాన్ని ఇచ్చేవి ఏంటీ అంటే మొదటగా

'కళ్ళు' అనే సమాధానం వస్తుంది. ఈ కళ్లను

అత్యంత జాగ్రత్తగా కాపాడుకోవాల్సి ఉంటుంది.

శరీరంలో అతి సున్నితమైన భాగాలలో ఒకటి

చర్మం.. తర్వాత కళ్ళు.. చర్మం ఆరోగ్యాన్ని ఎలా

రక్షించుకుంటామో...అదే విధంగా కళ్లు ఆరోగ్యాన్ని

కూడా కాపాడుకోవాల్సి ఉంటుంది. కళ్ళు

ఆరోగ్యంగా ఉండాలంటే ఏం చేయాలి ?

*. సరైన ఆహారం తీసుకోవాలి. విటమిన్.. మినరల్స్ కూడిన ఆహారం తీసుకోవాలి. కళ్ళు ఆరోగ్యంగా ఉండాలంటే తగినంత రక్షణ అవసరం. *.కళ్ళు ఎక్కువగా ఎండలో స్ట్రెయిన్ అవ్వకుండా చూసుకోవాలి. ఎప్పటికప్పుడు శుభ్రం చేసుకోవాలి. *. కళ్లు ఆరోగ్యంగా ఉండాలంటే క్యారెట్ ఉపయోగపడుతుంది. ఒక టేబుల్ స్పూన్ కోకనట్ పౌడర్ ను క్యారట్ జ్యూస్లో మిక్స్ చేయాలి. అంతే మోతాదులో తేనె కూడా కలుపుకుని తాగాలి.

*. మీ కళ్ళ ఆరోగ్యాన్ని కాపాడుకోవడానికి ఆముదం నూనె కూడా ఉపయోగపడుతుంది. రెండు మూడు చుక్కల ఆముదం నూనెను చేతిలోకి తీసుకొని కళ్ళకు అప్లై చేయడం ద్వారా మంచి ఫలితం ఉంటుంది.

*. వాటర్ మెలోన్, టమోటో, పాలు, గ్రేప్ ఫ్రూట్ వంటి వాటిలో విటమిన్ సి అధికంగా ఉంటుంది.

వీటిని తీసుకోవడం వల్ల దీర్ఘకాలంలో ఎలాంటి కంటి సమస్యలు లేకుండా ఉంటాయి.

*. జామ, ఆరెంజ్, పైనాపిల్, రెడ్ మరియు గ్రీన్ చిల్లీ, బెల్ పెప్పర్ను ఆహారంలో చేర్చుకోవడం వల్ల కంటి సమస్యల నుండి ఉపశమనం పొందవచ్చు.

Joint Pain Relief Life Style Helth Tips Articelshow

కాళ్ల నొప్పులు..నివారణకు చిట్కాలు..

*.కాళ్ల నొప్పులు..ఉరుకుల పరుగుల జీవితంలో కాళ్ల నొప్పులు కొంతమందికి అధికంగా వస్తుంటాయి. దీనితో ఈ బాధ నుండి విముక్తి పొందాలని ఏవేవో వాడుతుంటారు. మినరల్ లోపం, మధుమేహం మరియు ఇతర ఆరోగ్య పరిస్థితుల వలన కాళ్ళలో నొప్పి రావచ్చు. ఇలాంటి నొప్పులను కొన్ని రకాల గృహ నివారణలు మరియు సహజ పద్దతులు త్వరగా ఉపశమనం అందిస్తాయి. *. కాళ్లలో నొప్పి.. వాపులకు తగ్గించేందుకు 'ఐస్' ఎంతగానే ఉపయోగపడుతుంది. ఇందుకు ఐస్ ముక్కలను ఓ ప్లాస్టిక్ బ్యాగులో ఉంచాలి. నొప్పిగా ఉన్న ప్రాంతాల్లో ప్లాస్టిక్ బ్యాగ్ తో వలయాకార రూపంలో మసాజ్ చేయాలి. ఇలా ఐస్ బ్యాగ్ తో 10 నిమిషాల పాటు చేయాలి. ఎక్కువ సేపు చేయకూడదు.

*. లవంగాల నూనె కూడా నొప్పులను నివారించడానికి సహాయ పడుతుంది. నొప్పిగా అనిపించిన వెంటనే లవంగాల నూనెను రాయాలి. ఈ నూనెతో మసాజ్ చేయటం వలన రక్త ప్రసరణ సరిగా జరిగి, కండరాలు విశ్రాంతి చెందుతాయి.

*. కొన్ని సమయాల్లో కాళ్లలో బెణుకుతుంటాయి. బెణుకులు మరియు గాయాలకు వెనిగర్ పరిష్కారం చూపుతుంది. ఒక బకెట్ వేడి నీటిని తీసుకోవాలి. అందులో రెండు చెంచాల వెనిగర్ ను వేయాలి.

అందులో రెండు చెంచాల వెనిగర్ ను వేయాలి.

దీనితో పాటు కొంత ఎప్సం సాల్ట్ ను కలుపుకోవాలి.

కలుపుకున్న అనంతరం ఈ బకెట్ లో కాళ్లు పెట్టాలి.

దాదాపు 20 నిమిషాల పాటు కాళ్లను నానబెట్టాలి.

ఇలా చేయటం వలన కాళ్ళ నొప్పుల నుండి

ఉపశమనం పొందుతారు.

బరువు తగ్గరు. మరి బరువు తగ్గడానికి ఏం చేయాలంటే మన లైఫ్‌స్టైల్‌లో కొన్ని చేంజెస్ చేయాలి

 బరువు తగ్గాలని అనుకున్న ప్రతి ఒక్కరు ముందుగా చేసే పని వర్కౌట్స్ చేయడం. కానీ, వర్కౌట్స్ చేయడం వల్ల ఫిట్‌గా మారతారు కానీ, బరువు తగ్గరు. మరి బరువు తగ్గడానికి ఏం చేయాలంటే మన లైఫ్‌స్టైల్‌లో కొన్ని చేంజెస్ చేయాలి. వీటి కారణంగా మెల్లిమెల్లిగా బరువు తగ్గుతారు. అందుకోసం మరి ఏం మార్పులు చేయాలో ఇప్పుడు క్లియర్‌గా తెలుసుకోండి.

మంచి డైట్..

బరువు పెంచడం, తగ్గించడంలో డైట్ కీ రోల్ పోషిస్తుంది. డైట్ అనేది సరిగ్గా ఉంటే బరువు ఈజీగా తగ్గుతారు. ఇందుకోసం ప్రోటీన్ ఎక్కువగా తీసుకోవాలి. ఎందుకు ప్రోటీన్ అంటే ప్రోటీన్ తిన్నప్పుడు కడుపు నిండుగా ఉంటుంది. కాబట్టి, ఎక్కువగా తినరు. బరువు ఈజీగా తగ్గుతారు. ప్రోటీన్ మజిల్స్‌కి కూడా మంచిది. దీంతో పాటు ఫైబర్ కూడా ఎక్కువగా తీసుకోవాలి.

పోర్షన్ కంట్రోల్..

అదే విధంగా, ఒకేసారి ఎక్కువగా తినకుండా కొద్ది కొద్దిగా తినడం అలవాటు చేసుకోవాలి. క్యాలరీలను తక్కువ చేయడం మొదలు పెట్టాలి. దీనికోసం జంక్ ఫుడ్స్, ఆయిలీ ఫుడ్స్, కూల్ డ్రింక్స్‌ని తగ్గించాలి. వీటి బదులు హెల్దీ ఫుడ్స్ అంటే ఆకుకూరలు, బీన్స్, నట్స్ వంటివి తినాలి.

వర్కౌట్..

అదే విధంగా రోజులో ఏదైనా ఓ వర్కౌట్ చేయడం అలవాటు చేసుకోవాలి. దీని వల్ల బాడీ ఫిట్‌గా మారడమే కాకుండా మెటబాలిజం సరిగ్గా ఉంటుంది. మీకు ఎక్సర్‌సైజ్ చేయడం ఇష్టం లేకపోతే దాని బదులు డ్యాన్స్, యోగా, వాకింగ్, సైక్లింగ్ ఇలా ఏదైనా మీకు ఇష్టమైన వర్కౌట్‌ని రోజుకి కనీసం అరగంట ఉండేలా చూసుకోండి. వీటి వల్ల మీ బాడీ ఫ్లెక్సీబుల్‌గా కూడా మారుతుంది.

హైడ్రేట్‌డ్‌గా..

అదే విధంగా, మనం నీటిని ఎక్కువగా తీసుకోవాలి. మన బాడీ హైడ్రేట్‌గా ఉన్నప్పుడు బాడీలోని అన్నీ అవయవాలు సరిగ్గా పనిచేస్తాయి. మలబద్ధకం, జీర్ణ సమస్యలు రాకుండా ఉంటాయి. జీర్ణ సమస్యలు ఉండడం వల్లే త్వరగా బరువు తగ్గరు. అందుకోసం కచ్చితంగా నీటిని ఎక్కువగా తీసుకోండి. దీని వల్ల కచ్చితంగా రిజల్ట్స్ ఉంటాయి.

హెర్బల్ టీలు..

కాఫీ, టీల కంటే హెర్బల్ టీలు చాలా హెల్ప్ చేస్తాయి. వీటిని తాగడం వల్ల మెటబాలిజం పెరిగి చాలా వరకూ రిజల్ట్ ఉంటుంది. ఇందులో భాగంగా గ్రీన్ టీ, బ్లాక్ టీ, చమోమిలే టీ వంటివి ట్రై చేయొచ్చు. వీటిని తాగితే ఎక్స్‌ట్రా బెనిఫిట్స్ కూడా ఉంటాయి.

ఒత్తిడిని తగ్గించుకోవడం..

బరువు తగ్గాలంటే ఒత్తిడి తగ్గించుకోవాలి. ఇందుకోసం ముందుగా యోగా, ధ్యానం వంటివి చేయొచ్చు. ఒత్తిడిగా ఉన్నప్పుడు ఎంత ట్రై చేసినా బరువు తగ్గరు. కాబట్టి, ఒత్తిడిని తగ్గించుకునే ప్రయత్నం చేయాలి.

నిద్రపోవడం..

ఇక బరువు తగ్గడంలో నిద్ర కూడా కీ రోల్ పోషిస్తుంది. ఎంత హాయిగా నిద్రపోతే మీ బాడీ అంత రిలాక్స్ అవుతుంది. దీంతో ఈజీగా బరువు తగ్గుతారు. చాలా అధ్యయనాల్లో తేలిందేంటంటే నిద్రలేకపోవడం వల్లే బరువు పెరుగుతారని. కాబట్టి, బరువు తగ్గాలంటే ముందుగా నిద్రపోండి. హాయిగా నిద్రపోయేందుకు డిన్నర్‌ని రాత్రి 7 గంటల్లోపే ముగించేయండి. డిన్నర్, నిద్రకి కనీసం 2 నుంచి 3 గంటల గ్యాప్ ఉండేలా చూడండి. అదే విధంగా, రాత్రుళ్ళు గ్యాడ్జెట్స్, సోషల్ మీడియా వాడకాన్ని తగ్గించండి. దీని వల్ల నిద్ర సమస్యలు వస్తాయి. ఇవన్నీ ఫాలో అయితే ఈజీగా బరువు తగ్గుతారు.

ఈ సమస్యలున్నవారు పొరపాటున కూడా చికెన్ ఎక్కువగా తినకూడదు.. ఇలా తింటేనే ఆరోగ్యం సేఫ్

చికెన్.. చాలా మంది ఇష్టంగా తినే ఫుడ్. కొంతమందికి చికెన్ లేనిదే ముద్ద దిగదు. ఇక, సండే వచ్చిందంటే చాలు చికెన్‌ను ఓ పట్టు పట్టాల్సిందే. అయితే, ఈ రోజుల్లో చాలా మంది వారంతో సంబంధం లేకుండా చికెన్, మటన్‌ను లాగిస్తున్నారు. చికెన్ బిర్యానీ, చికెన్ ఫ్రై, లాలీపాప్, చికెన్ 65, చికెన్ కూర్మా, చికెన్ సూప్, తందూరి చికెన్ ఇలా రకరకాల పేర్లుతో చికెన్ తింటున్నారు. ఇక, ఆల్కహాల్ తాగేవారు చికెన్‌ను స్టఫ్‌గా తింటున్నారు.

చిన్నా, పెద్దా తేడా లేకుండా చికెన్‌ను ఎక్కువగా తింటున్నారు. చికెన్ తినడం వల్ల శరీరంలో ప్రోటీన్స్ పెరుగుతాయి. నాటు కోళ్లు తింటే ఆరోగ్యానికి మంచిది.. ఫారం కోళ్లను ఎక్కువగా తింటే అనర్థం తప్పదంటున్నారు. వారానికి ఒకటి, రెండు సార్లు చికెన్ తింటే ఫర్వాలేదు. వారమంతా చికెన్ లాగిస్తే ప్రమాదం. అయితే, కొన్ని సమస్యలు ఉన్నవారు చికెన్ ఎక్కువగా తినకూడదంటున్నారు నిపుణులు. ఇంతకీ వారెవరో ఇక్కడ తెలుసుకుందాం.

అధిక కొలెస్ట్రాల్..

ఈ రోజుల్లో చాలా మంది అధిక కొలెస్ట్రాల్ సమస్యతో బాధపడుతున్నారు. అమెరికన్ జర్నల్ ఆఫ్ క్లినికల్ న్యూట్రిషన్‌లో పబ్లిష్ అయిన ఒక స్టడీ ప్రకారం చికెన్‌ ఎక్కువగా తింటే.. రక్తంలో చెడు కొలెస్ట్రాల్‌ స్థాయిలు పెరుగుతాయి. బాడీలో చెడు కొలెస్ట్రాల్ స్థాయిలు పెరిగితే.. గుండె సమస్యలు, హైపర్‌టెన్షన్‌, స్ట్రోక్‌ వచ్చే ప్రమాదం ఉంది. ఈ సమస్యలు ఉన్నవారు చికెన్ తక్కువ మోతాదులో తింటేనే మంచిదంటున్నారు నిపుణులు. అంతేకాకుండా చికెన్ తక్కువ తింటే ఈ సమస్యలు వచ్చే అవకాశం తగ్గుతుంది.

అధిక బరువు..

ప్రతిరోజూ చికెన్‌ తినడం వల్ల బరువు పెరిగే ప్రమాదం ఉందంటున్నారు నిపుణులు. చికెన్‌లో ప్రోటీన్‌ ఎక్కువగా ఉంటుంది. దీంతో... శరీరం బర్న్‌ చేయలేని అదనపు ప్రోటీన్ కొవ్వు రూపంలో నిల్వ ఉంటుంది. దీనివల్ల త్వరగా బరువు పెరుగుతారు. అందుకే ఇప్పటికే అధిక బరువు సమస్యలతో బాధపడే వారు చికెన్ ఎక్కువగా తినకూడదు.ఒక స్టడీ ప్రకారం, మనం తీసుకునే డైట్‌కు, బరువు మధ్య సంబంధం ఉంటుంది. శాఖాహారుల కంటే నాన్-వెజ్ తినే వారి శరీర ద్రవ్యరాశి ఎక్కువగా ఉంటుంది.

హైపర్ టెన్షన్ సమస్యలు..

కుటుంబంలో హైపర్‌టెన్షన్‌ హిస్టరీ ఉంటే.. అలాంటి వారు తినే ఆహారంలో చాలా జాగ్రత్తగా ఉండాలి. సంతృప్త కొవ్వు, ట్రాన్స్-ఫ్యాట్ ఎక్కువగా ఉండే ఆహారానికి దూరంగా ఉండటమే మంచిదని నిపుణులు చెబుతున్నారు. డైరీ ఉత్పత్తులు, రెడ్‌ మీట్‌, చికెన్‌ స్కిన్‌‌లో ట్రాన్స్‌ - ఫ్యాట్స్‌ ఎక్కువగా ఉంటాయి. అందుకే ఈ సమస్యతో బాధపడేవారు చికెన్ తక్కువ మోతాదులో తినాలి. ఎక్కువ తింటే సమస్య మరింత తీవ్రమయ్యే ప్రమాదముంది.

మూత్రనాళ ఇన్ఫెక్షన్..

ఈ రోజుల్లో రకరకాల చికెన్ వంటకాలు అందుబాటులో ఉన్నాయి. ఏ చికెన్ పడితే ఆ చికెన్ తింటే.. మూత్రనాళ ఇన్ఫెక్షన్‌ (UTI) వచ్చే ప్రమాదం ఉందని నిపుణులు చెబుతున్నారు. MBio, అమెరికన్ సొసైటీ ఫర్ మైక్రోబయాలజీ జర్నల్‌లో ప్రచురించబడిన ఒక అధ్యయనం ప్రకారం, చికెన్ ఎక్కువగా తింటే.. మూత్రనాళ ఇన్ఫెక్షన్‌‌‌‌తో సహా మరికొన్ని ఇన్ఫెక్షన్లు వచ్చే అవకాశం ఉంది. ఈ ఇన్ఫెక్షన్లకు దూరంగా ఉండాలంటే.. తాజా చికెన్‌ కొనడం, చికెన్‌ తక్కువగా తీసుకోవడం చేయాలి. చికెన్‌ను బాగా ఉడికించి తింటే ఈ సమస్యలు రావంటున్నారు.

అధిక యూరిక్ యాసిడ్..

​అధిక యూరిక్ యాసిడ్ స్థాయి ఎవరికైనా ఇబ్బంది కలిగించవచ్చు. శరీరంలో యూరిక్ యాసిడ్ స్థాయి పెరిగిన తర్వాత, క్రమంగా ఈ యూరిక్ యాసిడ్ గట్టిపడటం ప్రారంభిస్తుంది. ఈ స్ఫటికాలు (యూరిక్ యాసిడ్ స్ఫటికాలు) చేతి వేళ్లు, కాలి వేళ్లు, వేరే కీళ్లలో పేరుకుపోతాయి. దీంతో.. కీళ్లనొప్పుల సమస్యతో బాధపడతారు. మూత్రపిండాల సమస్యలు వచ్చే అవకాశం ఉంది. ఈ సమస్యతో బాధపడుతున్నవారు చికెన్ ఎక్కువగా తినకూడదు. ఇలా చికెన్ ఎక్కువగా తింటే బాడీలో యూరిక్ యాసిడ్ లెవల్స్ పెరిగే ప్రమాదముంది.

చికెన్ ఎలా తినాలి..

చికెన్ ఎలా పడితే అలా తింటే ఆరోగ్యానికి మంచిది కాదు. చికెన్ ఫ్రై, డీప్ ఫ్రై, చికెన్ పకోడి, చికెన్ బర్గర్లు లాంటి వాటికి దూరంగా ఉండాలి. తాజా చికెన్ కొని వండి తినడం మంచిది. అంతేకాకుండా చికెన్‌ను ఎక్కువగా ఉడికించి తింటే ఆరోగ్యానికి మంచిదని నిపుణులు చెబుతున్నారు. ఇంట్లో వండి తింటే బెస్ట్. బయట దొరికే చికెన్ ఐటమ్స్‌కి దూరంగా ఉండటమే మేలు అంటున్నారు నిపుణులు.

గమనిక..

ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు.

గుండెను పదిలంగా ఉంచే ఆహారాలు, ఎప్పుడు, ఎంత మోతాదులో తినాలో తెలుసా?

 

ప్రస్తుత జనరేషన్‌లో చాలా మంది లైఫ్ స్టైల్(Life Style) మీద ఎక్కువగా ఫోకస్ పెట్టడం లేదు. ఉరుకుల పరుగుల జీవితంలో ఓ పక్కా ప్రణాళిక లేకుండా బతికేస్తున్నారు. సరైన టైంలో తినకపోవడం, జంక్ ఫుడ్ తినడం, స్మోకింగ్, డ్రింకింగ్ ఇలా ఓ పద్ధతి లేకుండా జీవిస్తున్నారు. దీంతో.. చాలా ఆరోగ్య సమస్యలు కొని తెచ్చుకుంటున్నారు. అందులో గుండె పోటు, అధిక బరువు, క్యాన్సర్ వంటి సమస్యలు కూడా ఉన్నాయి. అయితే, ఈ సమస్యలు రాకుండా ఉండాలంటే తినే ఆహారంపై తగిన శ్రద్ధ తీసుకోవాలి.

ఫైబర్ రిచ్ ఆహారాల్ని డైట్‌లో భాగం చేసుకుంటే చాలా వ్యాధుల్ని కంట్రోల్ చేయవచ్చంటున్నారు నిపుణులు. జీర్ణక్రియ సక్రమంగా పనిచేయడానికి, బరువును అదుపులో ఉంచడానికి ఫైబర్ సాయపడుతుంది. రోజూవారి ఆహారంలో ఫైబర్ తీసుకోవడం వల్ల వ్యాధుల ప్రమాదం తగ్గుతుంది. ఫైబర్ డైట్ గట్ ఆరోగ్యాన్ని మెరుగుపరుస్తుంది. ఇంతకీ ఫైబర్ రిచ్ డైట్‌లో ఉండే ఆహారాలేంటి? వాటిని తినడం వల్ల కలిగే ప్రయోజనాలేంటో ఇక్కడ తెలుసుకుందాం.

ఫైబర్ ఎక్కువగా ఉండే ఆహారాలు

* బాదం, చియా, అవిసె వంటి గింజలు
* ఓట్స్, బీన్స్
* తృణధాన్యాలు (బార్లీ, బ్రౌన్ రైస్, బ్రౌన్ బ్రెడ్, కొర్రలు, జొన్నలు)
* అవకాడో
* బ్రకోలి, క్యారెట్, బ్రస్సెల్స్ మొలకలు వంటి కూరగాయలు
* బఠానీలు, పాలకూర, చిరుధాన్యాలు
* తాజా పండ్లు, పప్పు ధాన్యాలు

ఫైబర్ రిచ్ డైట్‌తో ప్రయోజనాలు

బరువు తగ్గుతారు

​ఈ రోజుల్లో చాలా మంది అధిక బరువు, ఊబకాయం సమస్యలతో బాధపడుతున్నారు. ఇలాంటి వారికి ఫైబర్ రిచ్ డైట్ బెస్ట్ ఆప్షన్. ఫైబర్ లేదా పీచు పదార్థం గట్ ఆరోగ్యాన్ని మెరుగుపరుస్తుంది. గట్ బ్యాక్టీరియాను ఆరోగ్యంగా ఉంచుతుంది. ఫైబర్‌ రిచ్‌ డైట్‌ తీసుకోవడం వల్ల కడుపు నిండిన భావన ఉంటుంది. దీంతో ఆకలి అదుపులో ఉంటుంది. దీంతో.. అతిగా తినాలనే కోరిక తగ్గుతుంది. అతిగా తినకుండా కంట్రోల్‌లో ఉండవచ్చు. ఫైబర్‌ శరీరంలోని కొవ్వు త్వరగా కరగడానికి సహాయపడుతుంది, బెల్లీ ఫ్యాట్‌ తగ్గుతుంది. దీంతో బరువు తగ్గవచ్చంటున్నారు నిపుణులు.

రక్తంలో షుగర్ లెవల్స్ అదుపులో ఉంటాయి

​ఫైబర్ ఎక్కువగా ఉన్న ఆహారాల్ని తీసుకోవడం వల్ల రక్తంలో షుగర్ లెవల్స్ అదుపులో ఉంటాయి. మానవ శరీరం ఫైబర్‌ను గ్రహించుకోలేదు, అలా అనీ విచ్ఛిన్నం చేయలేదు. రక్తంలో పెరిగే చక్కెర స్థాయిలను కంట్రోల్‌లో ఉంచుతుంది. ఆహారం త్వరగా జీర్ణం కాకుండా చూస్తూ రక్తంలోకి గ్లూకోజు నెమ్మదిగా వెళ్లేలా చేస్తుంది. వైద్యులు సాధారణంగా 18 సంవత్సరాల కంటే ఎక్కువ వయస్సు ఉన్నవారు ప్రతిరోజూ 22-35 గ్రాముల ఫైబర్ తీసుకోవాలని సిఫార్సు చేస్తారు.

గుండెకు మేలు

ఫైబర్ రిచ్ డైట్ గుండెకు మేలు చేస్తుంది. నీటిలో కరగని ఫైబర్ ఆహారాలు గుండె పనితీరును మెరుగుపరుస్తాయి. సాధారణంగా చెడు కొలెస్ట్రాల్ పెరగడం వల్ల గుండెకు ముప్పు కలుగుతుంది. అదే ఫైబర్ రిచ్ డైట్ వల్ల రక్తంలో కొలెస్ట్రాల్ స్థాయిలు అదుపులో ఉంటాయి. కరగని ఫైబర్ ఎక్కువగా విత్తనాలు, పండ్లు, పప్పుధాన్యాల్లో లభిస్తుంది. వీటిని డైట్‌లో భాగం చేసుకోండి. రెగ్యులర్‌గా తినడం వల్ల గుండె ఆరోగ్యం మెరుగుపడుతుంది. శరీరంలో ఇన్ఫ్లమేషన్ లెవల్స్ తగ్గుతాయి. మంట, వాపు రాకుండా చూసుకుంటుంది.

క్యాన్సర్ రిస్క్ తగ్గుతుంది

చిక్కుళ్లు, బ్రకోలి, బ్రస్సెల్స్ మొలకలు, తృణధాన్యాల్లో లభించే ఫైబర్ వల్ల కొన్ని రకాల క్యాన్సర్‌ల ప్రమాదాన్ని తగ్గిస్తుందని నిపుణులు చెబుతున్నారు. వీటిలో లభించే ఫైబర్ నీటిలో కరుగుతుంది. నీటిలో కరిగే ఫైబర్ లేదా పీచు పదార్థం చాలా మృదువుగా ఉంటుంది. దీంతో మల విసర్జన సాఫీగా జరుగుతుంది. దీంతో కొలొరెక్టర్ క్యాన్సర్ ప్రమాదం తగ్గుతుందని నిపుణులు చెబుతున్నారు.

రోజుకు ఎంత ఫైబర్ తీసుకోవాలి?

ఫైబర్ ఎంత తీసుకోవాలన్నది జీర్ణ వ్యవస్థ పరిమాణం బట్టి ఉంటుంది. పెద్దగా ఉంటే ఎక్కువ ఫైబర్ అవసరం ఉంటుంది. ఉదాహరణకు 50 కిలోల బరువు ఉన్నవారికి 20 నుంచి 25 గ్రాముల ఫైబర్ అవసరం. అదే 75 కిలోల బరువుంటే సుమారు 30 నుంచి 35 గ్రాముల ఫైబర్ కావాలి. బ్రేక్ ఫాస్ట్‌లో ఫైబర్ ఎక్కువగా ఉండే ఆహారాన్ని తీసుకోవడం వల్ల ఎక్కువ ప్రయోజనాలు అందుతాయని నిపుణులు చెబుతున్నారు.

గమనిక
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు.

బత్తాయి జ్యూస్ తాగితే బరువు తగ్గడంతో పాటు ఎన్నో లాభాలు, అయితే ఎప్పుడు తాగాలంటే

 వింటర్ సీజన్‌లో మనకు బత్తాయి పండ్లు ఎక్కువగా కనిపిస్తుంటాయి. మార్కెట్లలో, రోడ్లపై వీటిని ఎక్కువగా అమ్ముతుంటారు. అయితే, చలికాలంలో బత్తాయి, బత్తాయి జ్యూస్ తీసుకోకూడదని కొందరు చెబుతుంటారు. బత్తాయి జ్యూస్, బత్తాయి తీసుకోవడం వల్ల జలుబుతో పాటు దగ్గు, గొంతు నొప్పి వంటి సమస్యలు వస్తాయని చెబుతారు. అయితే, ఇది సరైనది కాదని నిపుణులు చెబుతున్నారు. సీజనల్ పండ్లలో విటమిన్ సి పుష్కలంగా లభిస్తుంది. ఇది మన రోగనిరోధక శక్తిని బలోపేతం చేయడంలో సహాయపడుతుంది. చలికాలంలో మన రోగనిరోధక శక్తి బలహీనపడుతుంది. దీని కారణంగా జలుబు, దగ్గు వంటి వ్యాధులు వచ్చే ప్రమాదం ఉంది. చలికాలంలో బత్తాయి జ్యూస్ తాగడం వల్ల అనేక ప్రయోజనాలు ఉన్నాయి. అవేంటో ఇక్కడ తెలుసుకుందాం.

​బత్తాయి పండులో ఫైబర్ ఎక్కువగా ఉంటుంది. ఇది జీర్ణక్రియను మెరుగుపరుస్తుంది. మలబద్ధక సమస్యను ఇది నివారించడంలో సహాయపడుతుంది. బత్తాయిలో ఉండే పోషకాలు అవయవాల పనితీరును మెరుగుపరుస్తాయి. ఈ పండులో ఉండే యాంటీ ఆక్సిడెంట్లు శరీర ఇన్ఫెక్షన్లు తగ్గిస్తాయి. ఇందులో ఉండే పోషకాలు అలసటను తగ్గిస్తాయి. నీరసం లేకుండా చేస్తాయి. బత్తాయి పండు తినడం ఎముకల ఆరోగ్యం కూడా మెరుగుపడుతుంది.. ఆస్థియో, ఆర్థరైటిస్ వంటి సమస్యలు బారినపడకుండా ఉంటారని నిపుణులు తెలిపారు. అయితే బత్తాయి జ్యూస్ తాగడం వల్ల శరీరానికి మరింత మేలు చేకూరుతుందని నిపుణులు చెబుతున్నారు.

రోగనిరోధక శక్తి బూస్టర్

బత్తాయిలో విటమిన్ సి పుష్కలంగా ఉంటుంది. ఇది మన రోగనిరోధక శక్తిని బలోపేతం చేయడంలో సహాయపడుతుంది. చలికాలంలో వచ్చే వ్యాధులు రాకుండా ఉండాలంటే రోజూ ఒక గ్లాసు బత్తాయి జ్యూస్ తాగాలని నిపుణులు చెబుతున్నారు. బత్తాయి జ్యూస్ తాగడం వల్ల రోగనిరోధక శక్తి పెరుగుతుంది.

జీర్ణవ్యవస్థ ఆరోగ్యం

బత్తాయిలో ఫైబర్ పుష్కలంగా లభిస్తుంది. ఇది మన జీర్ణవ్యవస్థను ఆరోగ్యంగా ఉంచడంలో సహాయపడుతుంది. ఈ రోజుల్లో చాలా మంది జీర్ణ సమస్యలతో బాధపడుతున్నారు. మలబద్ధకం, కడుపు ఉబ్బరం, అజీర్తి వంటి సమస్యలతో బాధపడుతున్నారు. ఇలాంటి వారికి బత్తాయి జ్యూస్ బెస్ట్ ఆప్షన్. మలబద్ధకం, అజీర్తి వంటి సమస్యలతో బాధపడేవారు బత్తాయి జ్యూస్ తాగాలంటున్నారు.

బరువు తగ్గడం

బత్తాయిలో క్యాలరీల పరిమాణం చాలా తక్కువగా ఉంటుంది. అంతేకాకుండా బత్తాయిలో పీచు పదార్థం ఎక్కువగా ఉంటుంది. దీంతో బరువు తగ్గడానికి ఉపయోగపడుతుంది. అందుకే బరువు తగ్గాలనుకునేవారు బత్తాయి జ్యూసుని డైట్‌లో భాగం చేసుకోవాలంటున్నారు ఎక్స్‌పర్ట్స్.బత్తాయిలో క్యాలరీల పరిమాణం చాలా తక్కువగా ఉంటుంది. అంతేకాకుండా బత్తాయిలో పీచు పదార్థం ఎక్కువగా ఉంటుంది. దీంతో బరువు తగ్గడానికి ఉపయోగపడుతుంది. అందుకే బరువు తగ్గాలనుకునేవారు బత్తాయి జ్యూసుని డైట్‌లో భాగం చేసుకోవాలంటున్నారు ఎక్స్‌పర్ట్స్.

ఒత్తిడిని తగ్గిస్తుంది

ఈ రోజుల్లో చాలా మంది వర్క్ లైఫ్‌స్టైల్ వల్ల ఒత్తిడితో బాధపడుతున్నారు. ఇలాంటి వారికి బత్తాయి జ్యూస్ బెస్ట్ ఆప్షన్ అంటున్నారు నిపుణులు. బత్తాయి పండులో మెగ్నీషియం ఎక్కువగా లభిస్తుంది. ఇది ఒత్తిడిని తగ్గించడంలో సాయపడుతుంది. మీరు ఒత్తిడితో బాధపడుతుంటే రోజూ ఒక గ్లాస్ బత్తాయి జ్యూస్ తాగాలంటున్నారు నిపుణులు.

చర్మానికి మేలు

బత్తాయిలో యాంటీఆక్సిడెంట్లు లభిస్తాయి. ఇవి మన చర్మాన్ని ఆరోగ్యంగా ఉంచడంలో సహాయపడతాయి. మోసంబి జ్యూస్ తాగడం వల్ల చర్మం మెరుగుపడుతుంది. మెటిమల సమస్య నుంచి కూడా ఉపశమనం లభిస్తుంది.

జ్యూస్ ఎప్పుడు, ఎలా తాగాలి?

బత్తాయి జ్యూసుని బయట తాగడం మానేయండి. బత్తాయి జ్యూసుని ఇంట్లోని తయారు చేసుకుని తాగండి. ఫ్రెష్‌గా చేసుకుని తాగడం వల్ల మంచి ఫలితాలు ఉంటాయి. పంచదార బదులు బత్తాయి జ్యూసులో తేనె కలిపి తాగితే మంచిది. ఇది కేవలం రుచి కోసం మాత్రమే. డైరెక్ట్‌గా తాగితే మంచిదంటున్నారు నిపుణులు. ఇక, బ్రేక్ ఫాస్ట్ చేసిన అరగంట లేదా గంట తర్వాత బత్తాయి జ్యూస్ తాగితే బెస్ట్. అయితే, ఎసిడిటీ, డయాబెటిస్ వంటి సమస్యలతో బాధపడేవారు వైద్యుణ్ని సంప్రదించి తర్వాత బత్తాయి జ్యూస్ తాగండి.

గమనిక
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు.