Breathing Exercises Benefits Helth Tips

Breathing Exercises Benefits: లోతైన శ్వాస వ్యాయామాలు ఆరోగ్యానికి ఎంతో మేలు చేస్తాయని నిపుణులు అంటున్నారు. అవేంటో ఈ స్టోరీలో చూద్దాం.

Breathing Exercises Benefits: మెదడులోని శ్వాసకోశ కేంద్రం మన శ్వాసను నియంత్రిస్తుంది, ఇది స్వయం చాలక శారీరక చర్య. మనం ఒత్తిడిలో ఉన్నప్పుడు సంభవించే.. "ఫైట్-ఆర్-ఫ్లైట్ స్పందన" మన శ్వాస విధానాలు, రేట్లలో మార్పులకు కారణం అవుతుంది. అదృష్టవశాత్తూ, మనం శ్వాసించే విధానాన్ని మార్చే సామర్థ్యం మనకు ఉంది. శ్వాస వ్యాయామాలు ఒత్తడి, దానితో సంబంధం ఉన్న అరోగ్య సమస్యల నుంచి రక్షించడానికి.. సహాయపడతాయని అనేక అధ్యయనాలు పేర్కొన్నాయి. ధ్యానం, యోగా, తాయ్‌ చిలలో అనేక రకాలుగా.. శ్వాసను నియంత్రిస్తూ ఉంటారు. చాలామంది లోతైన శ్వాస వ్యాయామాలు.. ఒత్తిడిని తగ్గించడానికి, విశ్రాంతిని పెంపొందించడానికి సహాయపడతాయని నిపుణులు చెబుతున్నారు. ఇది అనేక రకాల, ఆరోగ్య సమస్యలకు చెక్‌ పెట్టడానికీ లోతైన శ్వాస వ్యాయమాలు తోడ్పడతాయని నిపుణులు చెబుతున్నారు. అవేంటో ఈ స్టోరీలో చూద్దాం.

ఒత్తిడి, ఆందోళన తగ్గిస్తుంది..

శ్వాస వ్యాయామాలు రోజూ ప్రాక్టిస్‌ చేస్తే.. ఒత్తిడి, ఆందోళన స్థాయిలను తగ్గించే సామర్థ్యం ఉందని నిపుణులు అంటున్నారు. డీప్‌ బ్రీత్‌ ఎక్స్‌ర్‌సైజ్‌లు పారాసింపథెటిక్‌ నాడీ వ్యవస్థను యాక్టివ్‌ చేస్తాయి. ఇవి శరీరం, మనస్సును శాంతపరచడానికి సహాయపడతాయి

ఊపిరితిత్తుల పనితీరు మెరుగుపరుస్తుంది..

శ్వాస వ్యాయామాలు ఊపిరితిత్తుల సామర్థ్యాన్ని పెంచడానికి, శరీరానికి ఆక్సిజన్ డెలివరీ సామర్థ్యాన్ని మెరుగుపరచడానికి తోడ్పడతాయి. ఇది మొత్తం శ్వాసకోశ ఆరోగ్యాన్ని మెరుగుపరుస్తుంది.

బీపీని కంట్రోల్‌లో ఉంచుతుంది..

లోతైన శ్వాస వ్యాయమాలు.. ఒత్తిడిని తగ్గిస్తాయి, విశ్రాంతిని ప్రోత్సహించడానికి తోడ్పడతాయి. తద్వారా రక్తపోటు స్థాయిలను తగ్గించడానికి సహాయపడతాయి. ఇది గుండె ఆరోగ్యంపై సానుకూల ప్రభావాన్ని చూపుతుంది, హృదయ సంబంధ వ్యాధుల ప్రమాదాన్ని తగ్గిస్తుంది.

శక్తి స్థాయిలు పెంచుతుంది..

లోతైన శ్వాస వ్యాయామాలు.. శరీరానికి ఆక్సిజన్‌ ప్రవాహాన్ని పెంచుతాయి. తద్వారా శరీర శక్తి స్థాయిలు మెరుగుపడతాయి. లోతైన శ్వాస వ్యాయామాలు.. అలసటను ఎదుర్కోవడానికి సహాయపడతాయి. మొత్తం శక్తిని మెరుగుపరచడానికి సహాయపడతాయి.

దృష్టి, ఏకాగ్రతను మెరుగుపరుస్తాయి..

లోతైన శ్వాసవ్యాయామాలు.. మైండ్‌ఫుల్‌నెస్‌ను ప్రోత్సహిస్తాయి, మనస్సును నిశ్చలంగా ఉంచుతాయి. తద్వారా శ్వాస వ్యాయామాలు దృష్టిని, ఏకాగ్రతను మెరుగుపరుస్తాయి. మానసిక స్పష్టత, శ్రద్ధ అవసరమయ్యే.. పనులకు ఇది ప్రయోజనకరంగా ఉంటుంది.

రోగనిరోధక పనితీరును మెరుగుపరుస్తుంది..

లోతైన శ్వాసవ్యాయమాలు.. శరీరంలో ఇన్ఫ్లమేషన్‌ను తగ్గించడానికి తోడ్పడతాయి, తెల్ల రక్తకణాల ఉత్పత్తిని ప్రేరేపిస్తాయి. ఇవి రోగనిరోధక ప్రతిస్పపందనలో కీలకపాత్ర పోషిస్తాయి. ఇది రోగనిరోధక శక్తిని బలోపేతం చేయడానికి, ఇన్ఫెక్షన్ల ప్రమాదాన్ని తగ్గించడానికి సహాయపడుతుంది.

జీర్ణక్రియను ప్రోత్సహిస్తుంది..

లోతైన శ్వాసవ్యాయామాలు పారాసింపథెటిక్‌ నాడీ వ్యవస్థను ప్రేరేపిస్తాయి. ఇది విశ్రాంతి, జీర్ణక్రియకు బాధ్యత వహిస్తుంది. లోతైన శ్వాస వ్యాయామాలు జీర్ణక్రియను ప్రోత్సహిస్తాయి, పోషకాల శోషణను మెరుగుపరుస్తుంది, ఇది మెరుగైన గట్‌ ఆరోగ్యానికి తోడ్పడుతుంది.

కండరాల ఒత్తిడిని తగ్గిస్తుంది..

శ్వాస వ్యాయామాలు కండరాల విశ్రాంతిని ప్రోత్సహిస్తాయి, శరీరంలో ఒత్తిడిని తగ్గించడానికి తోడ్పడతాయి. దీర్ఘకాలిక నొప్పి, కండరాల దృఢత్వంతో బాధపడేవారికి లోతైన శ్వాసవ్యాయామాలు సహాయపడతాయి.

నిద్రను మెరుగుపరుస్తాయి..

లోతైన శ్వాసవ్యాయామాలు విశ్రాంతిని ప్రోత్సహిస్తాయి, ఒత్తిడిని తగ్గిస్తాయి. తద్వారా నిద్ర నాణ్యతను మెరుగుపరచడానికి తోడ్పడతాయి. లోతైన శ్వాస వ్యాయామాలు నిద్రవేళకు ముందు మనస్సు, శరీరాన్ని ప్రశాంతంగా ఉంచడానికి తోడ్పడతాయి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.