జుట్టుకి నూనె చాలా ముఖ్యం

 

ఆరోగ్యకరమైన జుట్టుకి నూనె చాలా ముఖ్యం. మరి ఈ నూనె ఎప్పుడు రాస్తే మంచిదో తెలుసుకోండి.

జుట్టు ఆరోగ్యానికి ఆయిల్ మసాజ్ చాలా మంచిది. ఇది జుట్టు రాలడాన్ని తగ్గించి పొడుగ్గా పెరిగేలా చేస్తుంది. జుట్టు సమస్యల్ని దూరం చేయడంలో ఆయిల్ మసాజ్ ముందుంటుంది. దీని వల్ల ఎలాంటి లాభాలున్నాయో, ఎంత టైమ్ నూనె రాసుకుంటే మంచిదో తెలుసుకోండి.

ఆయిల్ మసాజ్..

చాలా మంది నూనె జుట్టు ఆరోగ్యానికి మంచిదని చాలాసేపటి వరకూ జుట్టుకి నూనె పెట్టుకుని ఉంటారు. కానీ, ఇందులో నిజం లేదని చెబుతున్నారు నిపుణులు.

గంట సమయం..

నిజానికీ ఓ రాత్రంతా జుట్టుకి నూనె రాయడం వల్ల మరీ అదనపు లాభాలు ఏం ఉండవు. తలస్నానానికి ఓ గంట ముందు జుట్టుకి నూనె సరిపోతుందని ఆయుర్వేదం చెబుతుంది. పొడి జుట్టుకోసం గంట, నార్మల్ హెయిర్ కోసం 30 నుంచి 45 నిమిషాలు.. ఆయిలీ హెయిర్ కోసం 15 నుంచి 20 నిమిషాలు సరిపోతుందని చెబుతున్నారు నిపుణులు.

జలుబు ఉన్నప్పుడు..

జలుబు వంటి సమస్యలు ఉన్నప్పుడు కేవలం 15 నిమిషాలు సరిపోతుందని చెబుతున్నారు నిపుణులు. పిల్లలకి కూడా 10 నుంచి 15 నిమిషాలు చాలు. మరీ ఎక్కువసేపు నూనె రాయడం అంత మంచిది కాదని చెబుతున్నారు నిపుణులు.

రాత్రంతా నూనె తలపై ఉంచితే..

రాత్రంతా తలకి నూనె రాసి ఉంచడం అంత మంచిది కాదు. దీని వల్ల కఫ దోషం పెరుగుతుంది. దగ్గు, తలనొప్పి, జలుబు వంటి సమస్యలు పెరుగుతాయి. రాత్రంతా జుట్టుకి నూనె ఉంటే చుండ్రు పెరుగుతుంది.
గమనిక: నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.