జుట్టు ఆరోగ్యానికి నూనె చాలా మంచిది. దీనిని వాడడం వల్ల జుట్టు పొడుగ్గా పెరుగుతుంది. దీనికోసం జుట్టుకి నూనెని ఎలా వాడాలో తెలుసుకోండి.
ప్రజెంట్ ప్రతి ఒక్కరూ జుట్టు సమస్యలతో బాధపడుతున్నారు. పోషకాహారం తీసుకోకపోవడం, సరైన లైఫ్‌స్టైల్ ఫాలో అవ్వకపోవడం, నీరు తాగకపోవడం, నిద్రలేమి, ఒత్తిడి, పొల్యూషన్ ఈ కారణాలన్నింటి వల్ల జుట్టు చాలా రాలిపోతుంటుంది. అయితే, అలా కాకుండా జుట్టు రాలడం తగ్గి పొడుగ్గా పెరగాలంటే పైన చెప్పిన తప్పులని అవాయిడ్ చేస్తూ మంచి లైఫ్‌స్టైల్ ఫాలో అవ్వాలి. దీంతో పాటు హెయిర్ కేర్‌ పాటించాలి. హెయిర్‌కేర్‌లో ముఖ్య భాగం జుట్టుకి ఆయిల్ మసాజ్ చేయడం.జుట్టు పొడుగ్గా పెరిగేందుకు నూనె బాగా హెల్ప్ చేస్తుంది. అందుకోసం నూనెని ఇష్టంగా రాయడం కాదు. సరిగ్గా రాయాలి. అప్పుడే జుట్టుకి పోషణ అందుతుంది. జుట్టు పొడుగ్గా పెరుగుతుంది. మరి జుట్టుకి ఎలా మసాజ్ చేయాలో తెలుసుకోండి.
నూనెని సెలక్ట్ చేసుకోవడం..
ముందుగా జుట్టుకి నూనె రాయడానికి సరైన నూనెని ఎంచుకోండి. ఎప్పుడు ఒకే నూనె రాస్తామంటే కుదరదు. ఉదాహారణకి చలికాలంలో హెయిర్ ఎక్కువగా డ్రై అవుతుంది. కాబట్టి, మీరు రాసే ఏదైనా నూనెలో ఆముదం కలపండి. అదే వేసవిలో అయితే లైట్‌గా ఉండే ఆయిల్స్ ఎంచుకోండి. ఇలా ట్రై చేస్తే జుట్టు చిక్కుల్లేకుండా అందంగా పొడుగ్గా పెరుగుతుంది. అలానే మీ జుట్టుని బట్టి కూడా ఆయిల్‌ని సెలక్ట్ చేసుకోండి. మీది డ్రై హెయిర్ అయితే ఆయిలీగా ఉండేది.. మీది ఆయిలీ హెయిర్ అయితే లైట్‌గా ఉండే ఆయిల్ సెలక్ట్ చేసుకోండి.
మసాజ్ చేయడం..
ముందుగా నూనెని తీసుకుని తలపై వేయాలి. స్కాల్ప్‌పై వేసి వేళ్లతో 3 నుంచి 5 నిమిషాల పాటు మెల్లిగా మసాజ్ చేయాలి. తర్వాత మెల్లిగా తలముందు, వెనక భాగంలో కూడా సర్కిల్ మోషన్‌లో తలమొత్తానికి మసాజ్ చేయండి.
రాసే ముందు వేడిచేయడం..
అదే విధంగా, రాసే ముందు ఏ నూనె అయినా కొద్దిగా వేడి చేయండి. ఇది డబుల్ ఆయిల్ మెథడ్‌లో అయినా, లేదా నేరుగా అయినా కొద్దిగా గోరువెచ్చగా చేసి ఆ తర్వాత నూనె రాయండి. దీంతో నూనె నేరుగా కుదుళ్ళలోకి చొచ్చుకుని పోతుంది.
రెగ్యులర్‌గా..
జుట్టుకి నూనె రాయడం రెగ్యులర్‌గా చేస్తుండాలి. అయితే, నూనె మొత్తం అలానే ఉంచేయకూడదు. తలస్నానం చేసే ముందు రోజు లేదా అరగంట ముందు నూనె రాసి మసాజ్ చేయాలి. ఆ తర్వాత తలస్నానం చేస్తే మంచి రిజల్ట్ ఉంటుంది. ఇలా వారానికి రెండు, మూడు సార్లు చేయండి మీకే రిజల్ట్ కనిపిస్తుంది.