ఇంట్రా యూటరీన్‌ ఇన్‌సెమినేషన్‌
ఈ రోజుల్లో చాలామంది దంపతులు సంతానలేమి కారణంగా బాధపడుతున్నారు. ఇలాంటి వారికి ఐయూఐ కొంతవరకు సహాయపడుతుంది. ఐయూఐ ప్రక్రియ ఎలా చేస్తారు, సక్సెస్ రేట్, దుష్ప్రభావాల గురించి ఈ స్టోరీలో చూద్దాం.
ఈ రోజుల్లో సంతానలేమి కారణంగా చాలామంది దంపతులు ఇబ్బందులు ఎదుర్కొంటున్నారు. పిల్లలు కలుగక ఎన్నోరకాలుగా ఒత్తిడికి గురవుతున్నారు. మానసికంగానూ కుంగిపోతున్నారు. పెళ్లి అయ్యి ఏళ్లు గడుస్తున్నా పిల్లలు లేక.. ఆవేదన, సిగ్గు, నిస్సహాయత వంటి భావోద్వేగాలతో వేదనకు గురవుతున్నారు. మన దేశంలో సుమారు 2.75 కోట్ల మంది సంతానలేమితో బాధపడుతున్నారని.. ప్రతి 15 మంది దంపతుల్లో ఒక జంట పిల్లలు లేక ఇబ్బంది పడుతున్నారని అంచనా. మహిళల్లో అండం విడుదల కాకపోవటం, హార్మోన్ సమస్యలు, ఎండోమెట్రియం పొర బయట పెరగటం.. మగవారిలో స్పెర్మ్ కౌంట్‌ తగ్గటం, చురుకుగా లేకపోవటం వంటివి సంతానలేమికి దారితీస్తున్నాయి. ఇన్‌ఫెర్టిలిటీ సమస్యతో బాధపడేవారికి IUI సహాయపడుతుంది.
ఐయూఐ (ఇంట్రా యూటరీన్‌ ఇన్‌సెమినేషన్‌) అంటే..
ఐయూఐ (ఇంట్రా యూటరిన్‌ ఇన్‌సెమినేషన్‌) అనేది తేలికైన ప్రక్రియ. దీనిలో మగవారి నుంచి స్మెర్మ్‌ను సేకరించి, ల్యాబరేటరీలో టెస్ట్‌ చేస్తారు. ఆరోగ్యకరంగా, యాక్టివ్‌గా ఉన్న కణాలను వేరుచేసి సన్నటి, మెత్తటి గొట్టం ద్వారా నేరుగా స్త్రీ గర్భాశయంలో ప్రవేశపెడతారు. అదీ ఒక నెలలో ఒకసారి గానీ లేదా రెండుసార్లు మాత్రమే చేస్తారు. దీనిలో స్పెర్మ్ నేరుగా గర్భాశయంలోకి ఫెలోపియన్ ట్యూబ్‌ల దగ్గరగా ఉంచుతారు. ఇక్కడ ఫెర్టిలైజేషన్ జరుగుతుంది. అండం విడుదలయ్యే రోజుల్లోనే దీన్ని చేస్తారు. మరిన్ని అండాలు విడుదలయ్యేలా ముందే మందులూ ఇస్తారు. ఐయూఐలో వాటి లక్ష్యానికి వీలైనంత దగ్గర తీసుకెళ్లడం. యోని ద్వారా ట్రిప్‌ను దాటవేయడం, గర్భాశయంలో స్పెర్మ్ ఈత కొట్టే సమయాన్ని తగ్గిస్తుంది, దీని వలన అవి సమయానికి ఎగ్‌ను చేరుకునే అవకాశం ఉంది. ఐయూఐ ప్రక్రియతో మూడు, నాలుగు సార్లకే గర్భధారణ జరగొచ్చు.
IUI & IVF మధ్య తేడా ఏమిటి…?
ఐయూఐలో స్పెర్మ్‌ను నేరుగా గర్భాశయంలోకి ఇన్‌సెర్ట్‌ చేస్తారు. ఇన్ విట్రో ఫెర్టిలైజేషన్ (IVF)లో స్త్రీ నుంచి తీసిన గుడ్డును, మగవారి స్పెర్మ్‌తో ల్యాబొరేటరీలో ఫెర్టిలైజ్ చేస్తారు. ఫెర్టిలైజ్ అయిన పిండాలలో 2 లేదా 3 పిండాలను యోని భాగం నుంచి గర్భాశయంలోకి ప్రవేశపెడతారు. ప్రక్రియ పూర్తయ్యక ఫైనల్‌ రిజల్ట్‌ రావడానికి దాదాపు నెల రోజులు పడుతుంది.
IUI ప్రక్రియ చేయడానికి కేవలం కొన్ని నిమిషాలు మాత్రమే పడుతుంది. ఐవీఎఫ్ ఎగ్‌ స్టిమ్యులేషన్‌కు హార్మోన్ల ఇంజెక్షన్ చేసినప్పటి నుంచి.. బ్లడ్‌ టెస్ట్‌ చేయడానికి 9-14 రోజులు పడుతుంది, ఆ తర్వాత.. పిండం బదిలీ చేస్తారు. యావరేజ్‌గా IVF సైకిల్‌ కోసం 17-20 రోజుల సమయం పడుతుంది. అయితే, పేషెంట్‌ కండీషన్‌ బట్టి సమయం మారుతూ ఉంటుంది.
IUI సక్సెస్ రేట్ ఎం…?
మీ వయస్సు, సంతానోత్పత్తి ప్రొఫైల్, దాత లేదా భాగస్వామి స్పెర్మ్ నాణ్యత, సంతానోత్పత్తి మందులు వాడుతున్నారా లేదా అనేదానితో సహా వేరియబుల్స్ పై ఆధారపడి ఉన్నప్పటికీ, IUIని ఉపయోగిస్తున్నప్పుడు మీరు 5 నుంచి 20 శాతం వరకు సక్సెస్ రేటును ఆశించవచ్చు. సాధారణంగా ఐయూఐ సక్సెసయ్యే అవకాశాలు నూటికి 10-15 శాతం వరకు మాత్రమే ఉంటాయి. అత్యధికంగా ఆరు నెలలు మాత్రమే ఈ చికిత్స ప్రయత్నించడానికి వీలుంటుంది. ఇది సక్సెస్ కాకపోతే సాధారణంగా ఐవీఎఫ్ చికిత్స సూచిస్తారు.
మీరు క్లోమిడ్ లేదా లెట్రోజోల్ వంటి ఇతర అండోత్సర్గ ప్రేరకాలను కంబైన్‌ చేసినప్పుడు, విజయం రేటు IUIతో పోలిస్తే రెండింతలు ఎక్కువగా ఉంటుంది. పురుషులలో స్పెర్మ్ కౌంట్‌ తక్కువగా ఉన్నా, స్పెర్మ్ మోర్టాలిటీ తక్కువగా ఉంటే.. IUI సక్సెస్ రేట్ తక్కువగా ఉంటుంది.
దుష్ప్రభావాలు ఉంటాయ…?
కొందరి మహిళల్లో IUI ప్రక్రియ తర్వాత కొంచెం స్పాటింగ్‌ కనిపిస్తూ ఉంటుంది. గర్భాశయంలో కాథెటర్‌ ఉంచడం వల్ల ఇది జరుగుతుంది. దీని గురించి చింతించాల్సిన అవసరం లేదు. అది మీరు గర్భవతి అయ్యే అవకాశాలపై ఎలాంటి ప్రభావం చూపదు. IUI ప్రక్రియ కారణంగా ఇన్ఫెక్షన్‌ అయ్యే అవకాశం ఉంది.
